Wednesday, August 17, 2011

සාපේක්ෂ නිශ්චලතාව


මිනිස්සු දුවනවා
දුවන වේගෙට ලෝකෙත් කැරකිලා
හීන අමතක වෙලා
හැම දේම වෙනස් වෙලා
මම බලාගෙන ඉන්නවා...
හිටපු තැනම...

Saturday, July 30, 2011

ජීවින ගමන


පහු කරගෙන ආපු
හැම කන්දක් ම
නඟින කං කිව්වෙ
"මේක විතරයි"  කියල...

දැන්,
මුදුනට ම ආව ම
තවත් කඳු නම් නෑ...

ඒත් දැන් කියනව
බහින්න තියෙනව කියල....

Friday, July 22, 2011

හෘද සාක්ෂිය



මොන වැඩේ කරන්න ගත්තත්
මොකක් හරි අවුලක් පෙන්නන්නෙ...
ඕන එකටයි එපා එකටයි හැම එකටම කෑ ගහන්නෙ...
හොඳ නරක මට තේරෙනවා
කියන්න කටක් නොතිබ්බට එනවා මෙතන සාක්කි දෙන්න...
දැන් වත් වහනව කට...

පටු





"අර ගහ ගාව
බංකුවෙ ඉන්නෙ..."

"ඉතින්...?"

"මම බලාගෙන හිටිය,
හැමදාම තනියම ඔතන ...
අර ළමයි සෙල්ලං කරනවා බලාගෙන ඉන්නෙ...
මට මිහිහව සැකයි.
මොකෙක් හරි අපචාර කාරයෙක් ද දන්නෙ නෑ."

"නෑ... නෑ... මිනිහ නරක මනුස්සයෙක් නෙමෙයි."

"කොහොමද එහෙම කියන්නෙ...?
මට නම් මිනිහව තඹේකට විස්වාස නෑ...
පේන්නෙ නැද්ද මූණෙ හැටි..."

"නෑ... නෑ... මම මිනිහ ත් එක්ක කතා කරල තියෙන ව...
දවසක් වහින වෙලාවක අපි දෙන්න ම දුවගෙන බස් හෝල්ට් එකට ආව.
එදා හොඳටම වැස්ස...
ඉතිං කම්මැලි කම යන්නත් එක්ක අපි කතාවට වැටුන..."

"ඉතින් මිනිහ මොකද කිව්වෙ...?"

"මිනිහ ඉන්නෙ තනියම...
මිනිහට ත් අපේ වයසෙ දුවෙක් හිටිය ලු..."

"හිටිය ලු කිව්වෙ?"

"මොකක් ද ලව් කේස් එකකට දිවි නහ ගත්තලු"

"නෑ... මිනිස්සු එච්චරම මෝඩ ද?"

"මිනිහ ගෙ නෝනත් නැතිවෙලා.
ගෙදර සොහොනක් වගේ පාලුයි ලු...
ඒ හින්ද හැමදාම පාක් එකට ඇවිල්ල ළමයි සෙල්ලම් කරනවා බලන් ඉන්නව ලු...
හිතේ සංතෝසයක ට තියෙන්නෙ එච්චරයි ලු."

"පව්..."

"ඔව් පව් තමා.."











Thursday, July 14, 2011

වැරැද්ද ii

නිමිත්ත අකූ : රෑ බදුල්ලෝ
වැරැද්ද

අද ත් මේකි ඇවිල්ල
අර තල් කොටේ ට මුවා වෙලා ඉන්නෙ
වෙන ද නං මේ වෙන කොට අර බල්ල ත් ඇවිල්ල
අද පරක්කු යි

අර ඌ එනකං බලාගෙන ඉන්න හැටි
අම්ම අප්ප මැරිල වගේ
මෙච්චර මම මේකි පස්සෙ එද්දි මේකි මේ පර බල්ලෙක් එක්ක තුරුළු වෙන්න හදනව.
මම කාට හරි මේකි ගැන කිව්වනම් මේකි ව මෙලහකට මරල.
ඒත් මමත් ඒකිට ආදරෙයි....

ඒත් උඩ ඉන්න දෙයියන් ගෙ නාමෙන් මම තවත් මේක බලං ඉන්නෙ කොහොමද?

අපේ ජාතිය, අපේ නිජ භූමිය, අපේ සටන පාවා දෙන්න මම තිට ඉඩ තියන්නෑ...
මම,
උඹව  තුරුළු කරන්න බලාගෙන හිටපු මේ අත් දෙකෙන් ම උඹව මරනව... මරනවා....

මරල මමත් මැරෙනව.....

වැරැද්ද

නිමිත්ත අකූ : රෑ බදුල්ලෝ

හරි
දැන් උඹ කියන්නෙ
රෑට රෑට උඹ ල හම්බුනේ ලව් කරන්න කියල ද?
උඹ එච්චරට ම මෝඩ ද මිනිහෝ...?
ඒ ගෑනි උඹ ට ආදරේ කළා කියල ද උඹ හිතන්නෙ?

ඒකි අපේ හැතිරිය ක්
උන් අපේ එවුන් කී දාහක් නම් මැරුව ද?
උඹ ට ඇත්තට ම පිස්සු ද?

ඒකි උඹ ව රැවැට්ටුවා
වෙලාව ආව නං ඒකි උඹ ව මරන්න දෙපාරක් හිතන්නෙ නෑ
ඒත් උඹ...
උඹ තවමත් ඒකි ට ආදරෙයි කිය කිය ඉන්නව.

දාපල්ල  ඕක ව කූඩුව ට....

Monday, July 11, 2011

යුටෝපියාව

ගැටුම් නැති
තහංචි නැති
වංචාව නැති
දූෂණය නැති
භීෂණය නැති
අසාධාරණය නැති
         .
         .
         .

මිනිස්සු නැති...